Б1аьчи-Юьртарчу юкъардешаран № 1 йолчу школехь йира вайн нохчийн г1арбевллачу яздархойн произведенийн выставка. Дешархоша цу выставке еанера  шанй ц1ерачу библиотекера нохчийн меттан книгаш. 

Вайн нохчийн меттан исбаьхьа хазнаш йовзуьйтуш, цуьнан г1иллакх-оьздангаллин т1ег1анаш т1ехула вайн дайн ламастийн лакхене вай кхачош, хьанала къахьоьгуш бу Б1аьчи-Юьртарчу №1 йолчу школан нохчийн меттан, литературан хьехархой а, методически цхьанакхетараллин декъашхой а.Шо-шаре мел дели, шен шуьйра т1емаш а даржийна, теманашца, васташца, жанрашца шорлуш, исбаьхьаллин лакхенашка г1ерташ схьаеана а, карахь йолчу ханна схьайог1уш а ю вайн къоман исбаьхьаллин литература. Дала т1ейог1учу ханна а беркатечу новкъахь кхиар лойла цунна! Вайн цунах ирс эцар а хуьлда даима а дикачу аг1ор! Лаьттийла-кха вайн махкахь и йовза а, 1амо а, кхио а вай маьрша дуьтуш даима Машар, Ирс, Беркат!